7 de gen. 2011

Rebelión en Torre Animal

Rebelión en Torre Animal ye una historia satirica recentata a traza de falordia ta ninons -igual como O Prencipet, antiparti- , y ye, amás una lectura obligatoria ta qualsiquiera persona que se’n aima d’anterar sobre lo qu’un alto corrompimiento puet fer en una sociedat como la de nusatros.

Ye menester leyer-la a la fin de estalviar l’amargor enta ra  que a irresponsabilidat social  u mesmo a galbana ciudadana mos entrefilan totz os diyas. Ixe que se prexine que per estar naixito en una sociedat democratica ye libre de tota ixa esferra social ye tristament muito entivocau.

Cretica moral d’a Revolución Rusa y sobretot d’o desembolique  sovietico n’os tiempos de Stalin, o libro estié escrito per George Orwell en 1945.


Astí tos dixo a rematadera d’ista obra.


“Se repitié o mesmo goyoso estrapalucio d’antis y os beires estión abuitaus d’un trago. Pero a os animals qu’aguaitaban difuera, lis pareixié que bella cosa extranya pasaba. Qué cosa pasaba en as caras d’os cochíns? Os viellos y amortaus uellos de Tefla pasoron rapedament y alternativa d’una cara t’atra. Bell uns teneban cinco papos, atros en teneban quatre, íxos en teneban tres. Pero qué yera o que pareixeba esmuyir-se y tresformar-se? Dimpués, remataus os aplausos, os asistents pilloron de nuevas baraxa y continón a partida aturada, aluenyando-sen os animal en silencio.

Pero encara  no eban feito vente tragos, quan s’aturón de sopetón. Un gran estrapalucio de voces veniba deinde a casa. Bi tornoron correndo y aguaitoron de nuevas per a finestra. Sí, bi eba una pleitina muito fura: chilos, trucos sobre a tabla, uelladas fitas y esconfitadas, furas negativas. L’orichen d’o pleito pareixeba estar, que Napolión, igual como Sinyor Pilkington eban debantau de vez un as de picas cadagún.

Dotze voces chilaban esfuriatas, y yeran totas iguals. No bi eba brenca dandalo d’a tresformación alcurrita en as caras d’os cochíns. Os animals percutius, entrecambeón a suya uellada d’o cochín ta l’hombre y de l’hombre ta lo cochín; pero ya yera imposible d’esbarrar, de saper quí yera l’uno y quí yera l’atro."




O afamau filosofo José Luis López Aranguren diciba que o mesmo diya en que bell un remata de luitar per a democracia ista s’amorta…

Y yo l’aimo viva y guallarda.

Cap comentari:

Publica un comentari a l'entrada

Si en queretz, podetz deixar un comentario astí