9 feb 2013

O caso d'os manters: "las derechas de autor".

...
O tema d'istos engarcholamientos d'os manters ye terrible. Uns immigrants creyoron o primer ligallo d'immigrants sin de  papels d'Espanya, que se diceba  Ferrocarril Clandestino, ta luitar  per os suyos dreitos.   A ixena con unatros movimientos que lis emparan, bell diya me dan un toque y me cuentan o drama d'istos engarcholamientos, que esconeixeba, y ro prochecto d'encetar  una campanya. Me quedé percutiu quan m'anteré qu'ixa chent podeba ir ta ra garchola dos anyos per vender os DVDs en a carrera, ni lo me preixinaba, en verdat. Quedé chus a suya disposición, y allora me crosidoron que contactara con os artistas ta recentar-lis quala  en  yera a situgación,  y demanar-lis a suya colaboración ta sinyar  un manifiesto, u ro que calese. M'enfrasco-ne, més   que  més con bella chent d'a mosica més belicherant en l'esfensa d'os dreitos d'autor. Truco dende interpretes y mosicos famosos, como per eixemplo Raphael, dica collas nuevas   que ya en son tenindo guaire popularidat.

Fuí  mesmo a bella renda de premios de mosica exclusivament con l'obchetivo de recentar-lis o poblema. Me levo allora l'agradable sospresa que ra mayoría d'ells, quan lis recento lo qu'escaixeba con  os vendedors, se xorrontan y s'indignan de que estén, dito en plata, "engarcholando-lis en o suyo  nombre"
.

Willy Toledo
Muitos autors  se consideraban cuentra lo que creyen ye piratería, pero no yeran prestos a que engarcholasen a ixos  mocetz.  De tall traza qu'adubié l'emparo de quasi totz  os mosicos: Raphael, María Dolores Pradera, Joan Manuel Serrat, Bebe, Ketama, Mago de Oz, Joaquín Sabina,  Toda  mena de mosicos y de todas as ideolochías. Ells  no sapeban, como  yo no  sapeba enantis de contactar con ixe  ligallo, qu'engarcholaban a ros  manters, perque no se deciba en dengún puesto, y tenioron a sensibilidat y  l'humanidat  de capir qu'ixo yera una crueldat y que ros suposatos  prechudicios d'a piratería no en son os manters. Y antimés, enca  se tenise que  luitar cuentra ixas vendas, no caleba fer-lo meyant l'engarcholamiento d'ixos immigrants. 

Adubiemos d'ista traza un listau  granizo de mosicos  que sinyoron  o  manifiesto. Pero tamién bi habié bell un que no se solidarizó  pas.   Pensemos en qui estié  l'artista més coneixiu internacionalment y convenimos  que yera Alejandro Sanz. No mos s'alcurrié pensar  qu'ell, con  totz os suyos  cabals y  rendas, no estase d'alcuerdo con a nuestra causa y  pensase  que caleba luitar cuentra ro top manta d'ista traza.

O nuestro obchectivo,  deixemos-lo platero,  no yera legalizar o  top manta, lo  que demanabanos yera que no s'engarcholase a ros manters. Contacto con Alejandro Sanz, le  ninvio o manifiesto  y me diz que ixo  no  lo  puet  sinyar  perque leva muitas anyadas  luitando cuentra ra piratería y agora ro suyo publico no  caperba que cambeyase de postura. Me sochier qualques cambeos,  los estudeamos y adhibimos, a  demanda suya, unas linias en qu'amostramos o nuestro emparo en l'esfensa d'a propiedat intelectual y ros dreitos d'autor. Lo metiemos perque, como ya  he dito, a campanya escaba que no lis metisen en prisión.

Manter vendindo zarrios en a carrera

Alejandro Sanz

Dimpués  de dos u tres meses  de cambeos y negociacions,  deixo de tener contacto con Alejandro Sanz. Adhibimos os  suyos cambeos pero no  amaneix a suya sinya perque mái  no la refirma.  Allora  un  diya me truca o suyo  representant ta dicir-me que Alejandro  Sanz no  lo  puet sinyar per o mesmo  argumento  que me habié   meso en o prencipio, ye  dizir,  que os  suyos  fans no iban a replecar que cambeye de postura dimpués  d'a  suya esfensa  d'os dreitos d'autor. Yo li respondié  que dengún no  li   demababa que cambeyase de postura, lo que demanabanos yera que no se metise en prisión a ros  manters.

Dicen  que no  sinya, que no  y que no. A  la  fin  l'argumento qu'agafó yera  qu'ell teneba  ro mesmo dreito a vivir d'a  suya obra que ros ninos d'Africa a minchar,  como quaternaba alto. A yo iste gacho me se  fa que no en  tien  sentimientos ni humanidat.

En remataderas,  zaga ra campanya, s'adubié que només dentrasen en prisión  si  l'esquimen d'o  que en teneban yera per dencima  d'os trescientos  euros, y como ixo  no escaix mái, pos  hemos adubito  que no los  engarcholen. Agora lis secuestran a mercancía y  han tornachuntato ras penas per treballo social.

El caso de los manteros
Razones para la Rebeldía

Guillermo  Toledo

No hay comentarios:

Publicar un comentario

Si en queretz, podetz deixar un comentario astí